Ratu-ah nuhmei ruolbanlo pawngsuol

Posted by Lalremlien Neitham

Aizawl, July 01, 2014: Kar hmasak Zirtawpni June 27 khan Sinlung Hills huom sunga Ratu khuo-ah Lalmalsawma (k. 25) chun nuhmei ruolbanlo pakhat a pawngsuol niin ei thu lakna chun a hril.

Darlawn police anthoka thu dong danin, Lalmalsawma hin nuhmei ruolbanlo hi thlem suokin, Ratu Community Hall-ah a tawk a, nuhmeinu hin a sunghai kuomah pawngsuol ani thu hrilin Lalmalsawma hi police ha’n an man nghal a nih.

Zirtawpni vek khan nuhmei ruolbanlo hi Darlawn damdawi in-ah endik a ni a, Lalmalsawma hin a pawngsuol ngei ani ti sukchieng a nih.

Pawngsuoltu Lalmalsawma hin tuolthat thubuoi or lai mek khom a ni a, jail anthoka a suok lai a nih.

Darlawn Joint MHIP (Mizo Hmeichhe insuihkhawm Pawl) chun thusuok siemin, nuhmei ruolbanlo pawngsuol ani hi an dem hle a, pawngsuoltu chu a na thei ang taka hrem dingin an phut bok a nih.


Blog, Updated at: 10:05 AM
© TLÂNGSAM. Powered by Blogger.