Zani ta Imphal East huom sunga Thambalnu Market Complex, Poiroupat Lamkhai-a “7th State Level Pineapple Fair Cum Youth Festival” neina a chun Andro MLA biel suok, tu kuma HSLC-a thawṭhahai chawimawi an ni a, inchuklai hlawtling hai kuomah lawmpuina sumfai inhlan an nih.
HSLC-a 9th position la phak, nunghak Konthoujam Malemnganbi chu MLA Shyamkumar le a nuhmei Th. (O) Babita hai chun lawmpuina cheng lakh 1 an inhlan a, ṭha taka hlawtling dang pahni khom cheng 10,000 ve ve inhlan an ni bawk.
Shyamkumar chun a biel Andro A/C anthoka inchuklai ṭha taka hlawtling hai chu chawimawi zie an ni ding thu hrilin, 1st anthok 3rd position chen la hai chu cheng lakh 10 pei pek an tiem thu a hril.
A biel mi inchuklai hai chu nasa nawk zuola lekha inchuk dingin a'nfui a, a biela inchukna ngirhmun suk hmasawn dingin theitawpin ṭhang a lak ding thu le lawmpuina sum a’nhlan hin inchuklai hai tumna le thafanna a sukzuol a beisei thu a hril bawk.
