MZP chawlbuk bawlna ding thawlawm bawm siem

Aizawl, July 9, 2014: Mizo Zirlai Pawl (MZP) chun thusuok siemin, Borapansury-a “Zofate Chawlhbuk” an bawl mek chu ṭha taka an bawl zo theina dingin thawlawm thaw theina remchang an siem thu an tarlang a; thawlawm hongna bawmte hai chu zani khan MZP adviser L. Malsawma Colney-in a sem suok a nih.

MZP president Lalhmachhuana chun, “Zofate Chawlhbuk” an bawl tum chu hnam thil an leiin Mizo mipui tam tak chawlbuk bawlnaa ṭhang ve nuom le thawlawm thaw nuom an um leiin MZP office fe hman naw hai ta dingin bawm siemin hmun remchang a hai bawm hi sie ani ding thu a hril a, mani remchang ang ang thaw dingin mipui a ngen.

MZP thawlawm hi July 18 chen hong ning a tih. Bawm siena ding hmun hai chu - Kulikawn, Sikulpuikawn, Khatla kawn, Vaivakawn, Zakamlova Hardware, Israel Point, Bazarpui, Millennium Centre kot, Bawngkawn, Ṭhuampui, Zemabawk kawn, Chaltlang Dawrkawn, Ramhlun Industry Peng, Leitan, New Secretariat kot le MZP office a hai ning a tih.