Motor khaltu hai ta dinga lekhabu rawn thei tlangzar

Posted by Lalremlien Neitham

Imphal, July 08, 2014: Zani khan Manipur works minister Kh. Ratankumar chun Manipur Press Club, Imphal-ah motor khaltu hai rawn thei ding le ṭangkaipui em em ding motor khal dan ding, a enkol dan ding le a sietna hai siem dan ding lekhabu thar Loitongbam Dinakumar i buotsai le New Delhi-a innghat Global E-Text hai sut chu a tlangzar.

Hi lekhabu "Basic Driving and Maintenance (of vehicles)” hi phek 287-a sa, motor khal le hmang tangkai dan ding hai inchuon kim ani hle thu hril a ni a, Rs. 595-a inchawk thei dinga zor suok a nih. Hieng ang lekhabu hi Manipur anthoka insuo lekhabu hmasatak ni a hril a nih.

Lekhabu thar tlangzarna hun a hin Manipur Driving School (MDS) principal Shantikumar Naorem chun, “Manipur mipui hai hin motor khal dan ding inchuk hi an inhnik naw tawl khop el. Kum 2003 anthok khan motor changsuolna a tlawm pha tak duoiin tiin inchukna hmun ka hong a, a'nhnik le hung inchuk an tlawm hle,” tiin a hril.

Hi lekhabu thar an tiemna anthok hin motor khaltu haiin motor khal an hung inhnik a beisei thu a hril bawk.


Blog, Updated at: 1:37 PM
© TLÂNGSAM. Powered by Blogger.