BCM-in MLTP Act hlip an dit nawh

Posted by Lalremlien Neitham

Aizawl, July 05, 2014: Baptist Church of Mizoram (BCM) general secretary Rev. H. Lienngai chun, Mizoram Liquor Total Prohibition (MLTP) Act hlip a, dan thar Mizoram Liquor (Prohibition and Control) Bill 2014 hmanga zu zor tum ani hi BCM-in ṭha a ti naw thu a hril.

Zawna sangin, BCM general secretary chun, BCM-in MLTP Act hlip ani chun Mizoram mipui le ṭhalai hai lai nghong ṭha naw tak a nei ding nia an ring thu le ṭhalai hringnun pakhat ringot suot nekin MLTP Act hi hrat taka fepui lem chi a an ngai thu a hril a, “BCM chun zu zor sorkar indin remti ngai naw nih,” tiin a hril.

Rev. H. Lienngai chun, Congress sorkar-in zu zor theina dinga dan duong thar Assembly House-ah put lut a, pass a tum chu ṭha an ti naw thu le an dodal tlat thu a hril a; bill thelut ta chu hnuk kir nawk dingin Mizoram sorkar an ngen thu a hril bawk a nih.

MLTP Act hlip an ditnawna, BCM Assembly Executive Meeting-in rel alo puongsuok ta chu an la ngirpui zing thu hrilin, BCM general secretary chun, a thar a puongzar nawk kher ṭul an ti naw leiin Assembly budget session-a MLPC Bill pass tum ani hnung-ah an ditnaw thu an puong non naw niin a hril.


Blog, Updated at: 1:07 PM
© TLÂNGSAM. Powered by Blogger.