Sikul motor le truck inbaw; 1 thi, 24 hliem

Posted by Lalremlien Neitham

Imphal, July 05, 2014: Ningani July 3 zantieng dar 5:30 vel khan Kanimkhong kawl Thoubal Leishangthem MI Road lai Evergreen Flower English School Van le Tata Truck an inbaw a; sikul Van a chuong naupang kum 8 mi Leishangthem Sushil s/o L Surchandra of Thoubal Leishangthem Wangmataba chu a hmun-ah a thi nghal a, van driver le sikul naupang 23 hai chu an hliem bok a nih.

Thu dong danin, Tata truck (MN 07C/3084) hi hrat takin lampui khingtieng anthokin a hung tlan a, an inpel ding tawpin Truck hin sikul Van chu a baw nia hril a nih.

Sikul naupang hliem 23 hai lai hin a hliem na deuh mi 15 – nuhmeite 7 le pasalte 8 hai chu Shija Hospital-a enkol dinga ṭhuoi an ni a, a dang hai po chu Thoubal District Hospital-ah first-aid pek an ni hnungin insuoktir nawk nghal an nih.


Blog, Updated at: 12:41 PM
© TLÂNGSAM. Powered by Blogger.