Wingers Association ha'n Manipur CM kuomah ngenna thelut

Posted by Lalremlien Neitham

Tuiṭhaphai, June 26, 2014: Zani khan Churachandpur-Imphal Taxi Owners’ Society hai chun Manipur chief minister Ibobi Singh kuomah lekha thelutin kum 5 liemtah anthoka Churachandpur le Imphal inkar ‘passenger service’ tlan theina ding phalna pek an ni hnung khomin tuchenin harsatna an la tuok rop hai enfel pek dingin ngenna an siem.

An lekha thelut chun, voi iemanizat ngenna an siem hnung khomin Imphal khawpui-ah an motor hai inchawltirna hmun ding pek an la ninaw thu an hril a, bus service operator hai ruok chu Keishampat-ah chawlna hmun pek bik an ni thu an tarlang bawk.

Bus operator hai hi department dan induonin a phalpek bak an nuom nuoma chet thei bikna pek an ni le ninaw thu zawna siemin, CM chun hi chungthu hi enfelin indiknawna um hai chu sukdik dingin an ngen bawk.


Blog, Updated at: 3:31 AM
© TLÂNGSAM. Powered by Blogger.