Manipur-a tribal lemchang siemtu pawl inzomkhawm

Posted by Lalremlien Neitham

Imphal, June 26, 2014: Zani khan Manipur-a tribal lemchang siemtu pawl hrang hrang hai chu inhmukhawmin tribal lemchangtuhai sukhmasawnna, thangpuina le suklarna dingin pawl inzomkhawm an indin.

Manipur-a tribal lemchang siemtu pawl hieng Senapati District Film Association, Zeliangrong Film Development Association, Chin-Kuki-Mizo Film Development Association, Churachandpur Film Association, Monsang Film Association, Anal Film Association, Kholmi Film Production, Lamkang Film Association, Inpui Film Society le Tangkhul Music and Film Association hai chu fekhawmin “Social change through film and music” ti thupui hnuoi-ah “Tribal Film Development Corporation Manipur” (TFDCM) ti chu an indin a; hi inzomkhawm pawl ṭhuoitu ding inthlangna chu thla nawk July 28 khin Tribal Research Institute, Imphal-ah nei ning a tih. A zing July 29 khin MFDC Auditorium, Palace Gate, Imphal-ah “foundation day celebration” nei ni bok a tih, tiin TFDCM chun thusuok a siem nghal bawk.


Blog, Updated at: 3:51 AM
© TLÂNGSAM. Powered by Blogger.