Mizoram mi RIMS hostel-ah inawkhlum

Posted by Lalremlien Neitham

Imphal, June 26, 2014: Zani khan Imphal-a Regional Institute of Medical Sciences (RIMS)-a MBBS 6th semester inchuklai kum 25-a upa Aizawl mi Benjamin Lalthuammuana ruong chu chawhnung dar 1 vel khan a umna hostel (Hostel no. IV) room 401 sung-ah ceiling fan anthoka inawkhlum saa hmu a nih.

A ruong hi hmu ani hnungin Police department-a Forensic Science Laboratory thoktu haiin a room chu an enfel nghala, a ruong hi Lamphel police haiin la-in RIMS morgue-ah sie a nih.

RIMS-a sinthawtuhai chun hun lo taka Benjamin thina thu-ah a sung-le-kuo hai an tuorpui takzet thu hrilin thusuok an siem.

Benjamin ruong hi RIMS-a inchuklai mi 2-in voisun vuongna’n vuongpui an ta, Mizoram-a a sunghai kuomah inhlan an tih.


Blog, Updated at: 3:11 AM
© TLÂNGSAM. Powered by Blogger.