Aizawl, June 10, 2014: Zani khan Mizoram chief minister Lal Thanhawla chun India prime minister thar Narendra Modi chu PM office-ah hmuin Mizoram mamaw hrang hrang a hrilpui.
Lal Thanhawla chun sum le meivar Mizoram-in a mamaw hrang hrang hai chu hrilpuiin, Mizoram-in harsatna a tuok hai chu suk kieng pek dingin PM Narendra Modi chu a ngen a nih. PM chun CM thu intlun chu a ṭul anga bawzui ani ding thu a hril pek. Lal Thanhawla hin Kolodyne Multi Modal Project le NLUP chungchang thu a hrilpui bok niin ei thu lakna chun a hril.
Mizoram CM chun India PM chu Mizoram-a inzin dingin a fiel nghal a, PM chun, “State hrang hranga hmalakna hi ahmun ngeia hmu ṭha ka ti a, hun umdan a zirin Mizoram khom sir ka tum a nih,” tiin a hril.
Voisun hin CM le Mizoram sports minister Zodintluanga hai chun DoNER minister VK Singh chu inhmupui nawk an tih.
Home» DoNER» Kolodyne Multi Modal Project» Lalthanhawla» Mizoram» Narendra Modi» NLUP» Mizoram CM-in India PM a hmu