HAF Freshers' Orientation & Farewell-cum-Election 2014

Posted by Lalremlien Neitham

Shillong, June 10, 2014: Liemtah Inrinni June 7 khan Shillong-a St. Anthony's College-a Hmar inchuklai inzomkhawm pawl Hmar Anthonian Family (HAF) chun an Adviser Hubert Khawbung In, Madanriting-ah “Fresher's Orientation and Farewell-cum-Election 2014” programme an hmang.

Hi hun hi HAF finance secretary Calvary Tlangchullo Hrangkhawl-in a keihruoia, hun hmasatak-ah ṭongṭaina Vanlalpawl Khawbung-in a nei a, chuzo-ah HAF leader Lawrence S. Khawzawl-in “Brief Report on Hmar Anthonian Family” na neiin, HAF indin ṭan dan le indin nasan hai kimchang takin a hrila.

“Hi College-a Hmar ṭong hmang haiin hnam dang tamtak karah inlaichinna le in unauna ṭhalem an nei theina ding le HSA Jt. Hqrts leh hrat lema inhrietpawna a um theina dinga indin a nih,” tiin a hril bawk.

Secretary David L. Songate-in Freshers' le fekhawm hai inhmelhriet tonna hun a nei a, Alice Sangthanmawi Khawlhring (treasurer)-in “Farewell Speech on behalf of the outgoing members” neiin, Vanlalsiamsanga Hmar-in “Farewell Speech on behalf of the present members” a nei bawk.

Hun hnina-ah HAF advisers hai inrawina hnuoi-ah kum 2014-15 sunga HAF ṭhuoitu ding hai thlangna nei a ni a, thlang thara um hai infuina le ṭongṭai pekna Elizabeth Lallawmkim-in a nei bawk.

Thuhril tawi le infuina thucha Vanlalpawl Khawbung le Hubert KhawbShort apa LT Vela hai anthokin nghaithlak ani zoin, David L. Zote-in lawmthu hrilin, hun khar ṭongṭaina chu In neitu hai aiaw’n LT Vela-in a nei a, hun suktawp zoin ruoi tuihnai tak bawngsa, voksa le arsa ruoi kiltlang a nih.

Hi zo hin inṭhungkhawmna hmasatak nei nghal a ni a, officer bearers thar hai portfolio insemremna le hmatienga hmalak pei dan dinghai relna nei a nih.

Kum 2014-15 sunga HAF ṭhuoitu ding hai:

Leader: David L Zote, B.Com 3rd Yr
Secretary: David L. Songate, B.Sc (Zoology) 3rd Yr (Mobile: 8729908607)
Finance Secretary: Vanlalsiamsanga Hmar, B.A (Pol.Science) 3rd Yr
Treasurer: Calvary Tlangchullo Hrangkhawl, B.Com 3rd Yr (Mobile: 8794188692)
Advisers: Hubert Khawbung, Vanlalpawl Khawbung


Blog, Updated at: 12:10 PM
© TLÂNGSAM. Powered by Blogger.