Akbaruddin chun, "Hieng sinthawtu hai hi Punjab le North India mi deu vong an ni a, Mosul khawpuia construction company – Tariq Nur Alhuda – a sinthaw niin, ṭhuoihmangtu hai hi tuha’m an ni a, iengleia ṭhuoihmang an ni a ti tu chen hin sorkar-in hrietna ala nei hri nawh," tiin a hril.
Mosul hi Iraq khawpui Baghdad anthoka km 400 vela hlaa um a nih.
Ṭhuoihmanga um hai chanchin chungchang hi International Red Crescent (IRC) le humanitarian organization dang hai anthok chauh hriet thei a ni a, anni hai bakah India-in UN Assistance Mission in Iraq (UNAMI) le Iraq sorkar hai ṭhangpuina khom a ngen ta bok a nih, tiin Akbaruddin chun a hril.
IRC-in India mi ṭhuoihmang an ni thu a sukchieng taa, khawlai hmuna ṭhuoihmang le sie an ni a, iengtik huna ṭhuoihmang am an ni a ti iengkhom hrietna sorkar-in a nei naw thu Akbaruddin chun a hril.
