Imphal, May 03, 2014: India (CAFI), Manipur Women Gun Survivors Network (MWGSN) le North East India Initiative for Peace (NEIWIP) hai huoihotna hnuoi-ah "The importance and role of women in decision making forums, peace and development in Manipur and Northeast India" ti thupui hmangin Hotel Classic, Imphal-ah inhmukhawmna voisun khan nei a nih.
Hi inkhawmnaa hin MWGSN state coordinator Reena Mutum-in thuhrilna neiin, thurelna hmunpui a hai nuhmei an um a poimaw hle thu a hril a, khawtlanga nuhmei naupang anthok puitling chenin harsatna chi hrang hrang an tuok hlak thu a hril bawk.
India hmarsak biel pumpui-ah Manipur chu insunga nuhmei chunga kut thlak insangtak dottu a ni thu a hril a, kum khat-ah hmeithai 300 vel an um niin a hril bawk.
UNICEF survey dungzui chun, India hmarsak-ah Assam a chun nau nei leia thina tuok an sang tak a, nau nei 100,000 pei-ah 407 an thi niin a hril.
National Crime Record Bureau (NCRB)-in kum 2011-a report a siem dungzui chun, India hmarsak biel-ah nuhmei hai chunga kut thlakna thubuoi 13,308 a um a. State hrang hrang hai lai hin Assam-ah a tam taka, 11503 a um a, Meghalaya-ah 269, Tripura-ah 1258, Mizoram-ah 167, Manipur-ah 247, Nagaland-ah 38, Arunachal Pradesh-ah 171 le Sikkim-ah 55 a um nia report a nih.
“Inremna dawkan siemna haia khom nuhmei ṭhangna a tlawm hle. A ṭhang umhai sienkhom an nina an hnuoia, a hming mei meia ṭhang an ni tlangpui,” tiin Reena Mahum chun a hril bawk.
Home» Domestic Violence» National Crime Record Bureau» Women Empowerment» Nuhmei hai ngirhmun hriltlang