NLUP hmang ṭha nuomlo hai pek talo ding

Posted by Lalremlien Neitham

Aizawl, May 20, 2014: New Land Use Policy (NLUP) Apex Board le Implementing Board (NIB) member hai chu zani khan NIB chairman JH Roṭhuama rawiin NIB Conference Hall-ah an inṭhungkhawma, NLUP hmang ṭhalo hai chu tu khom nihai sien, pek sunzom an ninaw ding thu an tarlang.

JH Roṭhuama chun, tulai hnaih el khan Mamit, Kolasib le Champhai district a sir thu hrilin, "NLUP hmalakna a hmuna ngei ka en a, taima tak le ringum taka thok hai chu an hlawtling nghal a. Thaw ṭha nuomlo hai chun anni le anni ta ding le an tu-le-nauhai ta ding chenin harsatna an siem mek a nih," tiin a hril.

NIB project co-ordinator Dr. Robert Rualthankhuma hrildanin, Lok Sabha inthlang result puong ani ta leiin NLUP dongtuhai sinthaw en pah a, pek sunzom thlak hai kuomah NLUP sum pek sunzom dingin Line department le DC hai inhriettir an nih, tiin a hril.

Inṭhungkhawmnaa hin, uluk nawk zuola NLUP fepui ani theina dingin ṭhangruola, a hmun ngeia fe a, hmalatuhai a thei ang ang enkai dingin an rel a, ṭhalem le hrat nawk zuola hmalak danding hai khom hriltlang ani bawk.


Blog, Updated at: 9:22 AM
© TLÂNGSAM. Powered by Blogger.