Nagaland CM thar dingin TR Zeliang

Posted by Lalremlien Neitham

Dimapur, May 18, 2014: Zani khan Naga People’s Front (NPF) i ṭhuoi Nagaland sorkar-na chel pawl hrang hrang inzomkhawm Democratic Alliance of Nagaland (DAN) hotuhai chu Nagaland minister Kuzholuzo Nienu keihruoina hnuoi-ah an inṭhungkhawma, TR Zeliang chu Nagaland chief minister thar dingin ban pharin an namnghet.

Hi inṭhungkhawmnaa hin Nagaland CM le Lok Sabha MP dinga thlangtling thar Neiphiu Rio, NPF president Dr. Shürhozelie, DAN legislator hai le NPF worker ṭhahnem tawk tak an ṭhang niin ei thu lakna chun a hril.

Nagaland sorkar-na cheltu DAN-a ṭhang BJP, JD(U) le puotieng anthoka thloptu NCP le independent legislator hai chun TR Zeliang thuoina hnuoia Nagaland sorkar chu an ṭan thu le an thlop thu an inhlan nawk bok a nih.

Nagaland CM thar dinga namnghet ani hnungin, Zeliang chun hun neiin, tluongtaka mawphurna inhlan ani na kong-ah a lawm hle thu a hril a, NPF le party dang dang hotu hai zara CM a hlangkai ani na thu-ah a lawmthu a hril bok a nih.

TR Zeliang hi Nagaland puola Rajya Sabha-a Member of Parliament a nih.



Blog, Updated at: 2:11 PM
© TLÂNGSAM. Powered by Blogger.