Assam-ah 1.4 lakh chuong NOTA a tla

Posted by Lalremlien Neitham

Guwahati, May 17, 2014: Tuta ṭuma Assam-a Lok Sabha MP inthlangnaa khan mi 15,067,315 in vote an thlak a, hieng hai lai hin None of The Above Option (NOTA) vote 1,47,057 (0.98%) a tla nia hril a nih.

Assam-a NOTA vote tla tamna tak MP biel chu Kokrajhar niin Karimganj-ah a tla tlawm tak a nih.

Kokrajhar-ah 18183 a tla a, Dibrugarh-ah 16809, Tezpur-ah 16667, Jorhat-ah 14648, Kaliabor-ah 12403, Autonomous District (ST)-ah 11747, Lakhimpur-ah 11204, Mangaldoi-ah 10722, Nowgong-ah 8782, Gauhati-ah 6720, Dhubri-ah 5811, Barpeta-ah 4785, Silchar-ah 4310 le Karimganj-ah 4266 a nih.

NOTA hi candidate ngir hai lai vote ding bik hriet naw annawleh vote nuom nei naw hai ta dinga option a nih. Tuta Lok Sabha inthlangna kha NOTA nei hmasatak ṭum a nih.


Blog, Updated at: 1:06 PM
© TLÂNGSAM. Powered by Blogger.