Zani khan MZP chun thusuok siemin, inchuklai hai harsatna tuok suk kiengna dingin Mizoram sorkar chun ruohman felfai siem dingin an phut thu an hril a. Mizoram college ṭhenkhatin college-a lut ding inchuklai hai admission an pekdan-ah mark hmu zat ding “cut-off mark” an siem hlak chu ṭha an ti naw thu an tarlang bok a nih.
Hienganga "cut-off mark" siem hlak college hai chun thaw talo ding le inchuklai hai harsatna hrethiempuia, inchuklai po poin admission an chang thei sengna dingin ruohman siem dingin inchukna hmun hotuhai chu an ngen nghal bok a nih.
HSLC 2014 pass suok thar ṭhahnemtawk takin pawl 11 sunzomna ding sikul an hmunaw niin MZP chun a tarlang a. MZP chun, hieng inchuklai pass suok thar, admission la hmulo po po haiin admission an hmu ngei theina dingin hma a lak mek thu hrilin, HSLC pass thar admission la hmulo hai chun May 21 zo hma ngeiin MZP office-ah inhriettir dingin an ngen nghal bok a nih.
