MZU convocation voi 9-na nei

Posted by Lalremlien Neitham

Aizawl, May 07, 2014: Zani khan Mizoram University (MZU) chun MZU Convocation voi 9-na an Multipurpose Hall-ah an hmang a, inchuklai ṭhahnem tawk tak kuomah degree certificate inhlan niin, Guru Ghasidas Central University chancellor Prof. NR Madhava Menon chu khuollien a hmang a nih.

Convocation a hin Prof. NR Madhava Menon-in thuhrilna a nei a, "Ram siem ṭhatna dingin nangni bak in um nawh. Chuleiin, in cheng nuomna khawvel chu indin dingin inbuoisai ro. Hi thu hi kan rikngot cheu niloin a ngenin ka ngen cheu a nih,” tiin a hril.

Prof. Menon chun hlawtlingna chang thar hai infuiin, “Hlawtlingna chang thar hai hin khawvel nun in hmang pei dan ding lampui thlang fel unla, in thiltum chu iengkhom tlung sien, tuta kan ram ngirhmun en zinga chawikang nuomna lungril putin, nakie tienga kan ram innghatna ding tak hai in ni tih, hi hre zingin hmatieng pan dingin kan cha cheu a nih,” tiin a hril bawk.

MZU Convocation a hin Doctor of Philosophy (Ph.D) degree dongtu mi 37 an um a, Master of Philosophy (M.Phil) dong mi 24, Master degree dong mi 196 le Bachelor degree dong mi 52 hai kuomah certificate inhlan a nih.


Blog, Updated at: 1:08 PM
© TLÂNGSAM. Powered by Blogger.