Buhchangphai-a in suksiet bawl ṭhat tum

Posted by Lalremlien Neitham

Aizawl, May 07, 2014: Kolasib district huom sunga Mizoram le Assam ramri buoi leia Buchangphai leilet-a in chengna pali ṭhiek hai chu Buhchangphai YMA hai chun zani khan bawl ṭhat an tum a, amiruokchu khawmuol a ṭhanaw leiin ṭhul hri a nih.

Buhchangphai-a in ṭhiek hai bawlṭhatna dinga hnatlang huoihot chu inpeifel vong ani hnungin zani zingkar khan ruo a sur nasa leiin ṭhul a ni a, hun remchang hmasatak-ah hlatlang hi huoihot tum nawk a ni thu ei thu lakna chun a hril.

Buhchangphai Ramtharzau-a sinthawtuhai umna in hi thla hmasak April 27 khan Assam police le forest mi haiin an suksiet a, YMA-in April 28 khan hnatlang koin an bawl ṭha hnung sawtnawte-ah Assam tienga police hai chun an suksiet nawk nghal a nih.

Mizoram home minister R. Lalzirliana-in Buhchangphai a sir ṭumin, in neitu pahni hai kuomah Rs. 30,000 le Buhchangphai YMA kuomah hnatlang thingpui dawnna ding Rs. 10,000 a pek a nih.


Blog, Updated at: 12:51 PM
© TLÂNGSAM. Powered by Blogger.