Mizo Dance Camp-a dingin inzieklutna hun ṭan

Posted by Lalremlien Neitham

Aizawl, April 30, 2014: Aizawl-a cheng lam inchuk nuom hai ta dingin May 1 anthok hin inzieklutna hun hong ṭan ning a tih. Hi Dance Camp hi inchukna le sin hai sukbuoi loa, talent ṭha tak tak nei hai zongsuokna dinga thaw ani thu a buoipuituhai chun an hril.

Mizo Dance Camp hi thla nawk June 2-28 sung hin nei ning a ta, registration hi H. Raltawna Building, Electric Veng, Aizawl-ah thaw thei ning a ta, chawhnung dar 1 anthok dar 5 chen hong ning a tih.

Dance Camp hi naupang kum 5-12 le puitling kum 13-60 hai ta dinga ṭhe hran an na, sikul naupang hai ta dingin an sikul ṭin hnungin class neipui hlak ning an tih. Chuong ang bokin, office kai le college inchuklai ha ta ding khomin an ṭin hnungin class lak thei ni bok a tih.

Dance class hai hi studio changtlung, darthlalang le sound system ṭha tak tak leh nei ning a tih.

Camp nei dan ding le registration fee lak dan ding chu – Contemporary Ballet (Mon-Wed-Fri) - Rs. 800, Jazz (Tue-Thu) - Rs. 700 le Hip Hop (Sat) hnuoia lamdan style Commercial, Lyrical, Girls le B-boying a dingin Rs. 500 pei lak ning a nih.


Blog, Updated at: 1:54 PM
© TLÂNGSAM. Powered by Blogger.