MSU-in Assam CM kuoma lekha thelut

Aizawl, April 30, 2014: Mizo Students’ Union (MSU) chun Buhchangphai-a thiltlung le inzomin thusuok siem, Mizoram home minister-in zani ta Kolasib huom sunga Buhchangphai-a harsatna tuokhai a hmuna fe a, Assam le Mizoram ramri bula Mizo hai harsatna a taka a thlirpui chu an lawm thu an hril.

Hi le inruol hin Mizoram sorkar chun a ṭul angin na lema hma la zuol dingin MSU-in a phut bok thu an tarlang.

MSU chun, zani khan Assam CM le home minister ni bok Tarun Gohoi kuomah lekha an thon a, Buhchangphai-a Assam police le forest mi hai chet dan ṭha an ti naw thu le Mizo mipui hai lungril an suknat tak zet thu an hril a, tuta hnung fimkhur ding le ram le hnam anga buoina suok thei ang thil-ah hma la talo dingin an ngen thu an hril bawk.