Zani khan Lok Sabha inthlangpui vote tla tiemna nei a ni a, Manipur Outer parliamentary constituency a hin MP nilai mek Thangso Baite chun a khingpui hnai tak Naga People’s Front (NPF) hminga ngir Soso Lorso chu 15,497 chauhin a hne a nih. Thangso Baite hin vote 2,96,618 a hmu a, Soso Lorho hin vote 2,81,121 a hmu ve thung.
Inner Manipur parliamentary constituency-ah, Congress MP nilai mek Dr. Thokchom Meinya chun vote 2,92,102 hmuin, a khingpui Dr. M. Nara chu vote 94,674 zetin a hne a nih. Dr. M. Nara hi CPI hai candidate niin, Left party le Secular Alliance haiin an thlop bok a nih. Dr. M. Nara hin vote 1,97,428 a hmu a nih.
Thla hmasak April 9 khan Outer Manipur biel-ah Lok Sabha inthlangna nei a ni a, April 17 khan Inner Manipur-ah nei ani ve thung. Outer Manipur biel-ah MP in candidate mi 10 an um a, Inner Manipur-ah mi 8 an um a nih. Outer Manipur-ah vote 80% a tla a, None Of The Above (NOTA) 2206 a um a; Inner Manipur-ah vote 75% a tla a, NOTA 5298 a um a nih.
Manipur Lok Sabha biel pahni-a candidate hlawsam hai vote hmudan chu hiengang hin:
OUTER MANIPUR
- Prof. Gangmumei Kamei (BJP): 75,815
- C. Doungel (NCP): 61,655
- Mani Charenamei (Independent): 34,995
- Kim Gangte (Trinamool Congress): 12,741
- K. Zou (AAP): 4328
- Lien Gangte (JD-U): 1085
- Amarson (Independent): 401
- Lal Momoi (Independent): 603
INNER MANIPUR
- RK Ranjan (BJP): 92,443
- Manaobi (Trinamool Congress): 39,903
- Oinam Indira (Independent): 7014
- Dr. Ibomcha (AAP): 3275
- Dr. Tonsana Sharma (Manipur Democratic People’s Front): 2005
- Oinam Jotin (Jai Mahabharat Party): 1403