A pa’n that a tum leia tlanhmang

Aizawl, May 17, 2014: Vairengte-a nuhmei naupangte kum 12 mi, pawl 6 inchuklai chu a pa’n that dinga a vau leiin an in-ah um ngam loin a tlanhmanga, Vairengte Joint MHIP ha’n buoipuiin a umna ding an ngaituo pek niin ei thu lakna chun a hril.

Vairengte-a MHIP president Lalnunhlui hrildanin, nuhmei naupangte hi MHIP-in a buoipui hnungin a pa’n thawluina hmanngin nuhmei pasal-na alo hmangpui hlak ti hriet suok a na, kum 2012 khan a kut zungchal khom a tan pek bok niin a hril.

A pa hin a naunu hi tuta kar bul tieng khan that dinga a vau leiin a naunu chun ṭi-in a tlanhmang a, Vairengte Joint MHIP ṭhuoituhai belin, Vairengte MHIP hai chun Child Welfare Committee (CWC) an hriettir a, CWC thurawn angin MHIP hai chun Vairengte Police Station-ah thubuoi an thelut a nih.

Police hai chun hi naupangtenu pa chu zani khan man tumin a In-ah an hang zonga, naupangtenu pa hi an keitho zo naw leiin Vairengte damdawi in-ah an zawn a, a pa hin in theina damdawi iemanizat alo fak nia hriet a nih.