Manipur governor In hnaih lai bomb hmu

Posted by Lalremlien Neitham

Imphal, May 15, 2014: Zani tuk khan Manipur governor Vinod Duggal chengna In Raj Bhavan kawl hnaih laia inthokin remote control bomb hmu a nih, tiin ei thu lakna chun a hril.

Zing dar 8 vel khan Raj Bhavan hnungtienga dawr pakhat bang-ah ipte hmu a ni a, hi ipte sung a hin kg 1 neka rik ding improvised explosive device (IED) bomb hmu a nih.

Ipte sunga bomb hi lampui sir laia thlaihna zor nuhmei pakhatin a hmu a, patrolling thaw Raj Bhavan venghimtu CRPF hai kuomah inhriettir nghalin, CRPF hai chun an uisathiem leh bomb chu an enfel hnungin bomb tienga mi thiemhai koin himtakin an hrehmang a nih.

Ipte sunga bomb hi enchieng ani hnungin detonator 2 le wire hruia inzom remote control bomb ani ti hriet a nih.


Blog, Updated at: 1:33 AM
© TLÂNGSAM. Powered by Blogger.