India Chief of Army Staff thar

Posted by Lalremlien Neitham

New Delhi, May 15, 2014: Zani khan India sorkar laipui chun Lt. Gen. Dalbir Singh Suhag chu India Army Chief thar dingin alo ruot tah. Lt. Gen. Dalbir Singh Suhag hin July 31-a a sin anthoka bang ta ding Gen. Bikram Singh chu thlak a tih.

Defence ministry chun, “Lt. General Dalbir Singh chun Chief of the Army Staff (COAS) chellai mek General Bikram Singh chu a bang ni July 31 khin Chief of the Army Staff (COAS) thar dingin thlak a tih,” tiin thusuok a siem.

Lt. Gen. Suhag hi Sainik School Chittorgarh anthok inchuk suokin, kum 1974 June 16 khan commissioned a ni a, kum 40 neka tam sung sipai-ah nina dang dang alo chel ta a nih. Infantry officer niin India sorkar anthok khomin mi huoisen chawimawina hrang hrang hieng Param Vishisht Seva Medal (PVSM), Uttam Yudh Seva Medal (UYSM), Ati Vishisht Seva Medal (AVSM) le Vishisht Seva Medal (VSM) hai alo dong ta bok a nih.


Blog, Updated at: 1:14 AM
© TLÂNGSAM. Powered by Blogger.