PRO (defence) in thusuok a siem danin, thu an dong danin KNA (I) helpawl ni dinga ring pakhat chun Churachandpur-a K. Salbung lai vel Gomphajang khaw lal Paokan Haokip anthokin NREGA fund sum a laklui pek tum leiin Red Shield Division hai chun hieng lai hmuna hin operation an nei a, KNA (I) finance secretary ni dinga ring Lelen Haokip (k. 25) s/o Letkhomang Haokip of Tujang Lhang, Sadar Hills chu an man thu a hril.
Lelen Haokim anthok hin USA siem 7.62 mm pistol le magazine mu 3 an man sa bok niin a hril a, an man pa hi Imphal West Police Station kuomah Red Shield Division sipai hai chun an inhlan sawng niin PRO thusuok chun a tarlang bawk.
