Final-ah Manipur le Odisha ha'n championship inchu ding

Posted by Lalremlien Neitham

Dergaon, May 10, 2014: Assam-a Women’s National Football Championship voi 20-na nei mek a chun, defending champion Odisha le voi 16 zet hratna nopui lo dom tah Manipur hai chu final-ah inkhing an tih.

Voisun Irinni khan semifinals-ah Odisha chun Jharkhand chu 3-0 in an hne a, Manipur-in Delhi chu 7-0 in a hne bok a nih.

Voisun a Manipur le Delhi hai inkhelnaa khan Manipur captain le AIFF Women's Player of the Year Oinam Bembem Devi chun inkhel 24th minute-ah a goal a pet lut hmasataka, a hnungin India hminga inkhel hlak an forward Bala Devi chun voi 3 a zawnin hat-trick siemin goal a pet lut nawk a, Dangmei Grace, Parmeshwori Devi le Ngonbi Devi hai chun goal voikhat seng an pet lut bok a nih.

Semi-final danga final kai dinga inkhing Jharkhand le Odisha inkhelnaa chun Jabamani Soren chun voi 2 a pet lut a, Subha Prava-in voikhat pet lut ve in Odisha chu an championship chellai Manipur lak-ah veng dingin final an lo kai ve nawk ta a nih.

Championship final hi May 12 khin Golaghat stadium-ah inkhel ning a tih.


Blog, Updated at: 4:24 PM
© TLÂNGSAM. Powered by Blogger.