Kum 5 sung BTAD-ah buoina 3,500 neka tam a suok

Posted by Lalremlien Neitham

Guwahati, May 10, 2014: Liemtah kum 5 sungin Bodoland Territorial Autonomous Districts (BTAD) huom sung-ah buoina chi hrang hrang 3,500 neka tam hiel a tlung a, Assam sunga buoina suoka tamna tak hmun niin ei thu lakna chun a hril.

Hieng buoina hai hi silai hmangna, inruk hmangna, mi sum lak pek le dan bawsietna chi hrang hrang hai hi BTAD huom sunga Assam district Kokrajhar, Chirang, Udalguri le Baksa hai a hin a tlung nia hril a nih.

Kum 2012 sunga hnam le hnam kara buoina suoknaa thi hai belkhawmin hieng district 4 a hai hin mi 900 neka tam that an ni a, in-le-lo tam tawk tak crore tel man hu vel ding suksiet a ni bok a nih.

Hi hun sung hin sipai venghimtu ha'n silai 730 le a mu 3,500 vel ding an man a, police hai chun thubuoi 507 vel Arms Act hnuoi-ah an zieklut bok a nih.

BTAD huom sunga hin kum 5 sung khan mihring 1,300 vel inrukhmang nia hril a ni bawk. Tulaia buoina suok leiin tu chen hin mi 33 in an hringna an chan ta bok a nih.


Blog, Updated at: 4:00 PM
© TLÂNGSAM. Powered by Blogger.