Imphal, April 12, 2014: Imphal West District Police hnuoia Commando unit chun liemtah April 10 khan K. Meghachandra Singh, SP (Ops)/Imphal West keihruoina hnuoi-ah Imphal City huomsunga chun motor inlon vel hai chu lo dapin Kuki helpawl UKLF a ṭhang nia hriet Limminal Mate (k. 35) alias Lalpu s/o Ngamkhojan Mate of Sahumphai Village, Chakpikarong sub-division, Chandel district chu an man.
Limminal Mate hi Bolero jeep (MN02A/14771)-ah a chuonglai Babupura-a BSNL Office hmaa man a ni a, a kuoma inthokin Nokia le Blackberry handset hai man sa a nih, tiin SP/NAB, Manipur-cum-PRO, Police Department chu a tarlang.
Police hai suidan chun, Limminal Mate le a thloppui hai chun Jiribam le Imphal inkar Kotlen huomsunga chun truck driver pakhat kidnap-in, Rs. 11,00,000 an lak pek nia hril a nih. Hi thu le inzom hin Imphal Police Station-ah thubuoi zieklut a ni a, suichieng mek a nih.
UKLF helpawl mi pakhat man
Blog, Updated at: 9:25 AM