Raipur, April 12, 2014: Naxal helpawl hai chun darkar 1 sungin Chhatisgarh-a Bijapur le Bastar district-ah bus le ambulance lo lambunin CRPF 5 le Lok Sabha inthlangna enkaitu mi 7 an that a, mi 11 an hliem bawk.
Additional Director General of Police (Naxal Operation) RK Vij hrildan chun, voisun sun dar 11 velin Naxal helhai chun Bijapur district-a Kutru police station huomsung Ketulnar khuo kawllai chun Lok Sabha MP inthlangna enkaitu motor chu a kir tieng anlo lambun a, mi 7 an thi a, mi 5 an hliem, tiin a hril.
April 10 khan Bastar constituency-ah MP inthlangna nei a nih.
Hi thiltlung darkar khat hnungin km 100-a hlaa Darbha police station huomsung Kamanar khuo kawllai chun Naxal hai chun CRPF sipai motor chuongna ambulance chu anlo lambun nawk a, driver-pa le CRPF 5 hai chu a hmun-ah an thi nghal a, paramedic technician pakhat chu hliem tuor loin hospital-ah a thi a nih. Hi lambunna a hin CRPF sipai 5 dang khom an hliem, niin RK Vij chun a hril.
Police hai hrildan chun, CRPF hai hi 80th Battalion hai an ni a, inthlang enkaituhai venghimna dinga operation an thawzo Jagdalpur district headquarter tieng kir dinga an fe lai a nih.
Lambuntu Naxal helhai hi mi 75-100 hon vel an ni thu, police hai chun an hril bawk.
Naxal haiin CRPF sipai 5 le inthlang enkaitu that
Blog, Updated at: 9:24 AM