Kum 5 sungin Manipur MP Meinya kum 11 in a upa

Posted by Lalremlien Neitham

Imphal, April 12, 2014: Inner Manipur anthoka Lok Sabha MP chellai mek Congress candidate Thokchom Meinya chu kum 5 sungin kum 11 zetin a upa hman a nih.

Hung tlung ding April 17-a Inner Manipur MP inthlangna dinga Election Commission (EC)-a affidavit a thelut dungzui chun, Thokchom Meinya-in a kumzat a zieknaa chun kum 69-a upa niin an ziek a nih.

Kum 2009-a general election inthlangnaa khan Meinya-in a kum zat a zieklut kha 58 a nih. Chu umzie chu kum 5 sung, 2009-2014 sung khan, kum 11 zetin a kum a upa a nih.

Lok Sabha website-a zieklut dan chun, Meinya pieng kum chu 1945 a ni a, tukum October 12 khin kum 69 a tlingna kum ding a nih. A kum chungchanga zawna a sangna a chun, “Ka pieng kum chu Lok Sabha record-a inziek dan a ni a, kum 2009 electoral roll a khan zieklut suol pal an leiin nomination file a khom khan chuonganga zieklut a nih,” tiin a hril.

Meinya hi Osmania University anthoka doctorate degree nei a ni a, tuta ṭum hin Inner Manipur MP-a ding hin mi 7 inkhingpui a tih. Tuta ṭuma MP inthlangnaa a ngir hi a voi 3-na a nih.


Blog, Updated at: 9:26 AM
© TLÂNGSAM. Powered by Blogger.