Tuikuk nunghak pawngsuol hron

Posted by Lalremlien Neitham

Agartala, April 20, 2013: Liemtah zirtawpni April 18 chawhnung khan North Tripura-a Kanchanpur khuo a Tuikuk nunghak kum 17 mi chu pasal pahniin an pawngsuol hron a, hieng mi pahni Mahendra Chakma le Sujit Chakma hai hi police haiin an man taa, local court hma-ah inlangtirin, police kutah ni 5 sung thukhawchang indon chieng dingin hren tang ning an tih.

Nunghaknu hi Mizoram-a Mamit district mi a ni a, Kanchanpur-ah a unu In-a hung um a nih.

Zirtawpni chawhnung tieng khan bazaar anthok inlawiin lampuia chun pawngsuoltuhai hin an car-ah inchuongtirin ramhnuoi-ah ṭhuoiin an pawngsuol hron a nih. Khuo an thim hnungin a unu In kawl hnaih lai chun an zamsan a, a sunghai chun hospital-ah ṭhuoiin police kuomah an intlun nghal bok a nih.

Nunghaknu hrildan chun, kar liemta khom khan tlangval dang mi pahni khomin an soisak niin a hril.


Blog, Updated at: 3:56 PM
© TLÂNGSAM. Powered by Blogger.