Poisa lema sumdawng mi 3 man

Dimapur, April 20, 2014: Zani pathienni khan Dimapur police hai chun hotel pakhata tlungkhawm poisa lema sumdawng le inzomin mi 3 an man.

Police hai chun an thu dong suizui peiin an bawzuia, hieng mi 3 hai hi iemanichen an entlak hnungin an man a nih. Hieng mi 3 – Tiakaba Longchar (54), Bipun Gohain (36) le Dulu Chetia (41) – hai anthok hin Rs. 100 note ngot India ram poisa lem 81 zet an man a nih.

Liemtah zirtawpni April 18 khom khan Dimapur-a special branch police hai chun nuhmei kum 38 mi Rupali Borah in ti chu Dimapur rel station kawllai an man a, ama anthokin Rs. 500 ngot India ram poisa lem Rs. 40,000 vel an man sa bok a nih.