St. Anthony's College, Shillong Admission Notice 2014

Posted by Lalremlien Neitham

North East India-a inchukna tienga College ṭha pawl (NAAC, UGC, AICTE Approved) St. Anthony's College, Shillong chun a hnuoia Course hai a khun Admission 2014 form March thla anthok khan a semsuok taa, hi college-a inchuk nuomhai ta ding chun ngaiven hun lai tak a nih.

Chubaka, Under Graduate (UG) le Post Graduate (PG) professional course entrance exam hai khom nei ṭep an taa, UG hai ta dingin kar nawk April 22-23 khin entrance exam um a ta, PG hai ta dingin June 17-ah written test, June 24-25-ah personal interview um bawk a tih.

UG Professional course hai chu:
BBA, BA Music, Media Technologies, Mass Communication, B.Sc (Bio-technology), B.Sc (Computer Science) hai a nih.

PG Professional course hai chu:
MCA, M.Sc (Bio-technology) le PGDCA hai a nih.

Hieng course hai baka hin general course – BA, B.Com le B.Sc hai ta ding khomin Prospectus-cum-Admission form semsuok mek an tah.

Abiktakin hieng UG professional course inchuk nuom hai ta dingin kar nawk thawleni April 22 khin entrance exam a um ding an leiin, April 21 khin admission form lak le submit thei ala nih. An hma tienga bawzui ṭha hleng a tih.

General course le admission po po chu MBOSE Class 12 Result suok hnungah nei ni chauh a ta, session thar chu June-ah ṭan ning a tih.

A college chanchin le admission procedure hrechieng nuom hai chun www.anthonys.ac.in-ah en thei ning a tih.

Chubakah Hmar inchuklaihai ta ding bikin, Hmar Anthonian Family (hi college a Hmar hai Association bik) ṭhuoitu hai biek thek ni bawk an tih.

David Songate (Secretary) – 08729908607
Lawrence S. Khawzawl (Leader) – 9401642820


Blog, Updated at: 7:42 AM
© TLÂNGSAM. Powered by Blogger.