Mizoram anthok truck-in rawmau trip 4000 thon suok

Posted by Lalremlien Neitham

Aizawl, April 19, 2014: Nikum November thla anthoka Mizoram sorkar-in Mizoram sunga rawmau sat a remti nawk anthok State puotieng truck-in rawmau trip 4,000 vel thon suok an ta thu ei thu lakna chun a hril.

Nikum November thla khan permit nei hai ta dingin rawmau sat remti nawk a ni a, Bairabi le a sevel anthokin Hailakandi district (Assam)-a Panchgram hmuna Hindustan Paper Corporation (HPC) hmang ding, rawmau truck-in trip 4000 vel thon thlak ani tah. Rawmau sat phalna nei hai hi Mizo vong an ni a, HPC hin rawmau pum khat-ah Rs. 9 le Rs. 10 in anchawk a, sorkar-in rawmau pum khat-ah Rs. 1 pei a hmu a nih.

Thu laka’n a tarlang danin, tulai hin nitin rawmau truck trip 200 le 300 inkar Tlawng vadung anthokin thonsuok ani hlak a, permit nei hai hi Mizo vong nihai sienkhom a sattu hai hi hnam dang vong an ni a, hieng mihai hin rawmau inno deu hai khom an sat sa vong hlak nia hril a nih.

Rawmau sattu hai chun, vadung hnai lai rawmau sat rem deu thaw ani ta leiin sat diing a um mang ta naw thu an hril a, rawmau sat ding hin vadung anthoka km 2 vel fe a ngai niin an hril.


Blog, Updated at: 9:38 AM
© TLÂNGSAM. Powered by Blogger.