Police station anthoka tlahlum

Posted by Lalremlien Neitham

Aizawl, April 12, 2014: Liemtah zirtawpni dar 6pm vel khan Lalhlimpuia (k. 27) s/o R. Zonuntluanga, Bawngkawn Chhim Veng chu Bawngkawn Police Station sawng 5-na anthokin a thalzawngin a hnuoia Bawngkawn Bazar Building thar Slab-ah a tla thla a, Greenwood Hospital panpui nghal niin, zan dar 9 vel khan a hliemna tuor loin a thi a, zani khan vui liem a nih.

Bawngkawn Police hai hrildan dan chun, Lalhlimpuia le mi ṭhekhat chu khawlai dung-ah an insuol buoia, Lalhimpuia hi zu anrui bok leiin Police hai chun Thana tieng an ṭhuoi a, power supply a umnaw leiin Mobile Phone sukvar chopin Police Constable pakhatin thil poimaw a zieklut lai Lalhlimpuia hi a lo intawl hmanga, Police hai chun an zong hnungin Bawngkawn PS Building hnuoi insang tak anthok a tla ti an zuk hmu zui nghal a nih.

Lalhlimpuia tlakna hi ansang hle a, a taksa khom a tet siet nasa hle nia hril a nih. Police hai chun Lalhlimpuia chu veranda anthoka suok a tumna’n a tlasuol pal ni dinga an ring thu an hril.


Blog, Updated at: 9:30 AM
© TLÂNGSAM. Powered by Blogger.