Aizawl, April 12, 2014: Mizoram Compulsory Registration of Marriage Act 2007 hmang ani anthoka tuchena Mizoram-a Marriage Registration thaw mi 12,554 an tling taa, hienghai lai hin Kristien an tam taka, Buddhist-in dotin 259 an ni a, Hindu sakhuo anthok 17 an ṭhang.
Deputy Registrar General of Marriages office-a thoktuhai hrildanin, kum 2008 April 1 anthokin Mizoram-ah Marriage Registration hi hmang ṭan a ni a, tukum March chen khan hi dan dungzuia inzieklut mi 12,554 an um taa, danin a phut angin registration thaw niin an sakhuona zieksa a ni a, inziekluthai lai hin Kristien sakhuo anthok mi 12,278 an um a, an tamtak a nih.
istrict ṭhenkhata chun nuom angin awareness thawthei annaw leiin registration thaw chuongloa innei an tam hle nia hriet a ni a, abikin Chakma tamna biel-ah Marriage Registration hriet mumal naw leiin inzieklut an tlawm hle nia hril a nih.
India danin kum 18 tling chin chauh nuhmei-pasal innei thei ani laiin, sakhuo ṭhenkhat lai kumtling loa inneitir an la ching leiin hienghai hi registration thawthei an naw chauh niloin report-tu an um chun dan hmanga hrem thei an ni ti Dy Registrar General of Marriages office-a thoktuhai chun an hril bawk.
Mizoram-a dan anga innei inzieklut zat
Blog, Updated at: 9:31 AM