Imphal, April 15, 2014: Manipur chief electoral officer O. Nabakishore chun thuthar lakhawmtuhai chu inhmupuiin, hung tlung ding April 17 khin Inner Manipur biel a ding MP inthlangnaa dingin inpei vong ani thu a hril.
Inner Manipur MP inthlangna ding a hin constituency 32-ah vote nei mi 8,53,069 an um a, polling station 1,252 siem niin, zing dar 7 anthok chawhnung dar 4 chen inthlangna nei ning a tih, tiin a hril. Vote nei hai lai hin pasal nekin nuhmei an tamlem a, vote nei pasal 4,15,314 an um lai nuhmei 4,37,755 an um ve thung.
Manipur CEO chun, Inner Manipur constituency huomsunga sorkar le Suspension of Operation (SoO) thuthlung ziek helpawl hai rawihai khomin an polling station a hai seng vote an thlak thei ding thu a hril. Sorkar le SoO ziek helpawl hai chu United Revolutionary Front, KYKL (MDF), KCP (Lamphel), UPPK, UTLA, KCP (Nongdrenkhomba) and KCP-MC (Lalumba) an nih.
Inner Manipur Lok Sabha MP ṭhungna hi mi 8-in inchu'ng an tih.
Inner Manipur MP inthlangna-ah mi lakh 8 chuongin vote thlak ding
Blog, Updated at: 5:47 PM