Aizawl, April 15, 2014: Zani khan UNICEF le MSACS ṭhangkhopin State Guest House, Aizawl-ah doctor le paradmedical staff hai chun ni 2 sung aw ding HIV natna inkaisawng laka inveng danding chungchang inchukna hun an buotsai.
Health principal director Dr. K. Ropari chun, naupailai HIV hrik kai nuhai anthoka an naute HIV laka sanhim dingin ARV Drugs hmang ani ding thu chu thil lawmum tak ani thu a hril a, hi programme thar hi ṭha taka fepui ani chun Millennium Development Goal-in kum 2017-a "Elimination of HIV transmission from mother to child" a nei chu Mizoram-ah a hlawtling thei ngei a beisei thu a hril.
Training hi voi 2 sunzom ning a ta, Mizoram-a master trainer hai bakah Centre for Disease Control (WHO) le NACO, Department of AIDS hai anthokin mithiemhai ṭhang bok an tih.
Meeting-a an tarlang danin, Mizoram a hin kum tin HIV positive hrik kai nu nupai 120-160 inkar vel hmu ani hlak a, nu naupai po po hai hi test hlak an ni a, HIV hrik kai ta phothai chu ṭha taka enkol sunzom pei hlak an nih.
HIV inkaisawng inveng dan inchuk
Blog, Updated at: 6:13 PM