Chakma leh Bru hai hnotsuok tum

Posted by Lalremlien Neitham

Aizawl, April 12, 2014: Lunglei bula Hauruang khuo-a V/C le NGO hrang hieng YMA, MHIP, MUP, MZP le Drivers’ Welfare hai chun Hauruang ram sunga Chakma le Bru chenghai chu hnotsuok dingin an rel a, kar thar tieng khin a taka hnotsuok dingin hma an lak mek.

Hauruang YMA ṭhuoituhai anthoka thu dong danin, an khuo rama Chakma le Bru chenghai hnotsuok ding thu hi tukum February thla khan anlo rel taa, amiruokchu a takin hnot suok anla ninaw a, kar thar tieng khin a taka an thurel chu bawzui dingin an rel nawk a, hnotsuok dinga an ti hai hi sungkuo 10 vel an ni thu an hril.

Hauruang khawtlangin Chakma le Bru hnotsuok an tum nasan chu – Hauruang ram an fak ral nasat lei, vadung humhal chinah nga a rukin an man hlak lei, huona thlai hai inruk an ching lei, a neituhai phalna la chuong loa thingkung hai an phur hlak lei, ruihlo le zu an bil hlak lei le Hauruang khuo mihai fak zongna an fak hek nasat lei hai dam a nih.


Blog, Updated at: 9:28 AM
© TLÂNGSAM. Powered by Blogger.