Aizawl, April 13, 2014: Mizoram sorkar thuneituhai chun, Tripura camp 6-a Bru raltlan cham mek hai chu NGO Coordination Committee hai phut anga thla 3 sunga Mizoram-a ko kir ding ti chu thil hau tak ani ding thu an hril.
Kar liemtah thawleni-a Mizoram sorkar-in NGO Coordination Committee haiin darkar 72 sung Mizoram bandh an puong suktawpna dinga zieka an tiemna sukpuitling ding chun sum-le-pai, tha-le-zung tamtak mamaw ani ding bakah thil hautak ani ding thu an hril.
Mizoram sorkar chun, tukum-a Lok Sabha MP inthlangna zofel ani le inruolin Bru raltlan hai Mizoram-a ko kir dingin hma la dingin an tiem a, a kir nuom naw hai chu electoral roll anthoka thaibo an ni ding thu NGO Coordination Committee hai kuomah ziek ngeiin alo intiem ta kha a nih.
Sorkar thuneituhai chun, sum chauh niloin, an umna le hluo ding ram, khuo le tui hai chu enfel pek vong ngai an ta, chubakah kumkhat sunga ding a thlawnin bufai khom sem an ngai ding thu an hril a, hieng hai po po tuok ding chun sum-le-pai tamtak mamaw ani ding thu an hril bok a nih.
Bru ṭhuoituhai hrildan chun Tripura-a Mizoram anthoka Bru raltlan Mizoram mi-le-sa 30,000 neka tam an um niin an hril a. Tuta ṭuma Mizoram MP inthlangna hmun 6-a a hai hin vote nei 10,000 chuong an um lai 71% velin vote an thlak a nih.
Bru raltlanhai somdawlna sin hau intak ding
|
Blog, Updated at: 9:20 AM