Motor suk leia thi

Posted by Lalremlien Neitham

Aizawl, July 05, 2014: Voizan dar 9 vel khan Aizawl Chaltlang-a DIET bus-stand thlang lai Maruti Alto car-in Grace Rolienpui alias Puinu (k. 28) d/o Lalbieksang Varte chu a suk a; Grace hi damdawi In panpui nghal nisienkhom sawtnawte hnungin a hliemna tuorzo loin a boral niin ei thu lakna chun a hril.

A suktu Maruti Alto hi silver rong nia hril a ni a, a khaltu hin a motor mei thatin Bawngkawn tieng hrat takin a tlan tlang nghal leiin a bul hnaia lo hmutu hai khomin a car khal hi chieng takin an hril thei naw a nih. Mi thenkhat hrildanin, a sukna motor hi a khaltu tieng side-glass a koi niin an hril. Motor le a khaltu hai hi zong mek an nih.

Grace Rolienpui hi nau nuhmeite kum 3 mi chauh nei a ni a; a ruol hai In-a leng, In a’nlawi lampui sira a lawn lai Alto hin a suk leng dawr nia hril a nih. A pa Lalbieksang Varte hi Sinlung Hills Development Council (SHDC)-a Council member a nih.

A ruong hi zing-ah chawhnung dar 1 khin Chaltlang thlanmuol-ah vuiliem ning a tih.


Blog, Updated at: 11:30 PM
© TLÂNGSAM. Powered by Blogger.