Meghalaya Guv-in Nagaland Guv sin chel belsa

Dimapur, July 02, 2014: Meghalaya governor nilai mek KK Paul chu Nagaland Govenor thar ding ruot nawk hma po di’n Nagaland governor sin chelsana dingin voisun khan Kohima-a Raj Bhavan-ah Gauhati High Court judge T. Vaiphei-in thu an sam tir.

Lawmlutna hun a hin thuhrilna a nei a, "In hriet seng angin, hun sawtnawte sung chauh a dingin hi sin hi ka chel ding a ni a, nisienkhom, hi mawphurna sin inzaum tak le mipui ro inrelna hlutna hi tung ding ka tih,” tiin a hril.

KK Paul hi Commissioner of Police-a bang, UPSC member lo ni hlak le Congress sorkar-in nikum July 8 khan Meghalaya governor dinga a ruot a nih. Nagaland governor hlui Ashwani Kumar chu thla hmasak June 25 khan a nina anthok an ban leiin KK Paul hi Nagaland governor thar ruot hma po a dingin a nina thar hi Meghalaya governor sin leh chel kop dinga ruot a nih.

Thu insamna hun a hin Nagaland chief minister TR Zeliang, speaker Chotisuh Sazo, cabinet minister hai le midang dangin an ṭawiawm niin ei thu lakna chun a hril.