Police station-a Transformer buoi leia var lo

Posted by Lalremlien Neitham

CCPur, June 13, 2014 (HT): Mi tam takin FIFA World Cup- 2014 Opening Ceremony le Opening match Brazil le Croatia hai inkhel en dinga an insingsat laiin zani hmasa zan khan town sunga cheng hai chun electric meivar an hmu nawh.

Hi chungthua Electric department a inthawk ei thu dawngnain a hril danin, Khengjang a inthawk khawpui (town) sung supply-tu Singngat Feeder sietna hmun nasa takin zanikhan hmun tum tum sir kuolin an zawng a, a tawpah Police station-a 750KVA Transformer buoi lei a nih ti an hmusuok. Hi Tranformer-a DO Fuse chu a ni ding ang ni lovin inbuk a ni huna light var thei lo, lakdawk huna a var thei chau a, hi leia Singngat feeder a inthawka electric meivar hmangtu han meivar an hmunaw a nih tiin an hril.

Transformer hi zani khawm khan department chun iengleia hienganga um thei am ti hi thu ei sut chena hin an la enfel zing. Engineer han an la enfel khawm a ṭul el thei niin an hril.


Blog, Updated at: 9:23 AM
© TLÂNGSAM. Powered by Blogger.