October thla anthok Imphal le Mandalay bus service

Posted by Lalremlien Neitham

Imphal, June 30, 2014: Zani khan “7th Pineapple Fair-cum-Youth Festival” neinaa Manipur commerce and industries minister Govindas Konthoujam-in thuhrilna hun a nei a, tukum October thla anthokin Imphal (India) le Mandalay (Burma) infepawna ding bus service chu ṭan ning a tih, tiin a hril.

Konthoujam chun, bus tlan ding veiliem ani phat, Manipur chu India khawpui laia South East Asia khawpui hai le inhnaitak hung ning a ta, India ta dingin, abikin Manipur ta dingin economy suk domsangtu hung ning a tih, tiin a hril.

Kum sawtnawte hnung-ah Imphal khawpui chu rel-in hung sir ve'ng a ta; ram puotieng hai le infepawna dang dang a um phat Manipur mipui hai chun changkangna chu nasa takin an sor ṭangkai thei ding a nih, tiin a hril bawk.

Konthoujam hrildan chun, Look East Policy duongdanin Manipur chu Trans-Asian Highway pahni’n a hraw ding thu a hril bawk.


Blog, Updated at: 7:25 PM
© TLÂNGSAM. Powered by Blogger.