NCHAC member ha’n Assam CM inhmupui

Posted by Lalremlien Neitham

Haflong, June 17, 2014: Thla iemanizat NC Hills Autonomous Council (NCHAC)-a sinthawtu hai hlaw pek thei lo buoina chungchang thu le inzomin NCHAC Chief Executive Member (CEM) Debojeet Thaosen inrawina hnuoi-ah Council member ṭhenkhat hai chun Assam CM Tarun Gogoi an inhmupui.

CM inhmupuina a hin chairman Ngamrothang Hmar le executive members Laltlansang Hmar, Mohendra Kemprai le MAC Tulsi Prasad Upadhaya hai chun CEM chu an ṭawiawm a, Assam CM chun a principal secretary le home and political affairs in-charge MGVK Bhana kuomah Council thoktu hai hlaw chungchang sukfel vat dingin an hriettir niin ei thu lakna chun a hril. Council thoktuhai hin thla iemanizat hlaw la thei loin an um ta a nih.

NCHAC CEM Thaosen chun hi chungchang thu a hin principal secretary a’nhmupui nghe nghe a, Council thoktuhai buoina chu chingfel vat a beisei thu a hril.


Blog, Updated at: 4:07 AM
© TLÂNGSAM. Powered by Blogger.