Manipur CM In rok

Imphal, June 16, 2014: Ni tluon zan tluona 3 IRB sipai hai venghimna hnuoia sie Manipur CM Ibobi Singh In Thoubal Athokpam-a um chu zani misuolin an rok a, rukru hai hin In-a rangkachak le thuomhnaw man to tak tak iemanizat an inruk niin ei thu lakna chun a hril.

Khangabok biel MLA nilai mek le CM nuhmei O. Landhoni chu Thoubal Athokpam-ah inchuklai hlawtling hai chawimawina hun neinaa fe, chawhnung dar 2 vela In a kir chun an tukver le thuomhnaw siena bawm hai chu alo inhong vong a hmu a, insunga an thuomhnaw hai khom ṭuong-ah indar nengin alo um a hmu bok a nih.