Kar hmasak Zirtawpni khan Contest Day 1 chu Mizoram University (MZU) Multipurpose Hall-ah nei a ni a; hi huna hin Miss Beautiful Skin, Hair, Smile le Miss Photogenic hai thlang an ni a, sienkhom result ruok chu thup ri ala nih.
Contest Day 2-na hi Sihhmui-a KP Picnic Resort-a nei ning a ta, June 4 zan dar 8 khin Art & Culture Auditorium, Beraw Tlang-ah Miss Talented thlang ning a tih.
Miss Mizoram 2014 chun May 26 khan Millenium Centre, Aizawl-ah Mizoram Cancer Care Foundation ṭhangpuina dingin show an buotsai a, zan-ah Aijal Club-ah charity dinner an buotsai bok a nih. Charity dinner-ah hin mi za chuong an ṭhang a, sum an hmu po po chu Cancer natnaa na hai ṭhangpuina dinga pek a nih.
June 6 khin Vanapa Hall, Aizawl-ah Grand Finale nei dingin inbuotsai a ni a, a ennuom hai ta dingin ticket khom siem ning a tih. Ticket zorna anthoka sum hmu po po hai hi AIDS natnaa na hai le an sunghai ṭhangpuina dinga pek ning a tih. Grand Finale hi Cable TV a hai Live-a inentir ning a tih.
