Delhi-ah NE mi 6 hliem, 2 jail intangtir

Posted by Lalremlien Neitham

New Delhi, June 29, 2014: Zani zan khan New Delhi khawpuia Moti Bagh veng-ah India hmarsak mi nunghak le tlangval 15 hon vel hai chu In pakhat-ah an ‘party’ a, inrui buoiin an insuol a; an insuolnaa hin mi 6 an hliem a, Police-in mi 2 an man niin ei thu lakna chun a hril.

Hieng Northeast ṭhalai insuol buoi hin vengbuk-ah ri nasatak an siem leiin a veng mi hai chun Police hai an ko hiel a nih. An insukbuoinaa hin mi 6 an hliem a, mi 2 hai chu Police hai PVR Van-in damdawi In an panpui nghal a, an hliem na deu leiin ICU-ah enkol mek an nih.

Buoinaa ṭhang mi 2 chu Police haiin an man a, lock-up ah an intangtir bok a nih. Police chun buoina siemtu hai hi South Campus Police Station-ah FIR 262/14 ziek lutin thubuoi IPC 323/451/34 an siem khum bok a nih.

Police hai hrildan chun, hi buoinaa ṭhang nia hriet hai chu la man pei ning an tih, tiin an hril.


Blog, Updated at: 8:30 PM
© TLÂNGSAM. Powered by Blogger.