Vote tiemna ding km. 1 biel sunga Cr.PC 144

CCPur, May 15, 2014 (HT): May 16, 2014 nia 16th Lok Sabha election-a vote tla hai tiemna um ding le inzawma CCPur Districta vote tla hai tiemna ding hmun District Training Centre (DTC), Tuibuong-a inthawk Km. 1 biel huop sunga chun vawisun (May 15, 2014) zantieng dar 3:00PM a inthawk Vote tiem hma po a dingin District Magistrate, CCPur chun Cr.P.C. 144 (Curfew) a puong.

Vote tiem ding le inzawm hin M. Songgel khuoa inthawk DC Office lutna lampui le Jail road-a inthawk DC Office lutna lampui (lamsuk) lai chena inthawk hieng lampui hai chu tukhawm lut thei lo dinga khar hmak ning a tih.

Chun, Tiddim Road a inthawk Army camp lutna lampui; Tiddim Road-a inthawk SP Office lutna lampui; ADC Office-a inthawk DC Office lutna lampui; Bethel khuoa inthawk DC Office lutna le New Bualjang a inthawk DC Office lutna lampui hai chu ruotluon hmanga lampui khar ni bawk an ta, hieng hmun haia hin security duty sie ning an tih.

Lampui khar ding le inzawm hin lampui kharna ding hmun haiah vawisun 2PM hin security rehearsal nei ni bawk a tih.